Хөвсгөл аймаг Ханх сумын Баясгалант багийн малчин Намдагийн Лхагвасүрэн, Ц.Баярхүү нарын хөдөлмөр бүтээлийг төр засаг үнэлэн  "Улсын аварга малчин"-аар шалгарч хүндэт цом, өргөмжлөл, улаан халзтай өргөө цагаан гэрийг Барилга хот байгууллалтын сайд Ц.Даваасүрэн, ИТХ-ын дарга М.Оюунбат,  Засаг дарга Л.Даваабаяр, аймаг сумын удирдлагууд гардуулан өглөө.

Өдгөө 70 настай Лхагвасүрэн гуай 82 жилийн дараа сумандаа энэхүү хүндтэй шагналыг авчирсандаа туйлын баяртай байгаагаа илэрхийлж байлаа.

Ариун цагаан хөдөлмөрөө төр засагтаа үнэлүүлж буй танай гэр бүл, үр хүүхдүүдэд эрүүл энх, сайн сайхан бүхнийг хүсэн ерөөе.