Лувсандоржийн Гэлэгбаатар (1914- 1939) Хөвсгөл аймгийн Ханх сумын нутагт 1914 онд төрсөн. ЦЕС-ийг 1938 онд артиллерийн мэргэжлээр төгсөгч. 1939 оны 5 дугаар сарын 28-ны өдөр Халхын голын дайнд дайсны давуу хүчний эсрэг зоригтой байлдаж өөрийн ангиудын байлдааны ялалтыг хангахад онцгой гавьяа байгуулан амь үрэгдсэн учир Халх голын ялалтын 25 жилийн ойг тохиолдуулан БНМАУ-ын АИХ-ын Тэргүүлэгчдийн 1964 оны 9 дүгээр сарын 29-ний өдрийн 171 дүгээр зарлигаар “БНМАУ-ын баатар” цолоор нэхэн шагнажээ.

      Ханх сумын Баян-Уулын бэлд нутаглаж байсан бөгөөд амьдарч байсан байшин, морины уяа нь одоо хүртэл байдаг. Сум нэгдлийн удирдлага Хороо багийн төвд байшинг нь нүүлгэн шилжүүлж, хараа хамгаалалтад байлгадаг болсон. Дээр үеийн 2-3 модон байшин бий.